நமது பிள்ளைகளின் திருமணத்திற்கு மூன்று நாட்களுக்கு முன்பாக நீங்கள் எந்த கோவிலைச் சேர்ந்தவரோ, அந்தக் கோவிலில், திருமண அழைப்பிதழைக் கொடுத்து, பாக்கு வைப்பதற்காக அதற்குரிய பூர்த்தி செய்யப்பட்ட விண்ணப்பத்துடன், அதற்கான பணத்தையும் கட்ட வேண்டும். அப்பொழுது தான் அந்த திருமணம் பதிவு செய்யப்பட்டு, கோவில் மாலையும் திருமணத்திற்கு முதல் நாள், உங்கள் வீட்டிற்கு அனுப்பி வைக்கப்படும்.

உங்கள் வேலையை எளிதாக்கும் விதமாக, ஒன்பது கோவில்களின் முகவரிகளையும், தொலைபேசி எண்களையும், அந்தந்த கோவில்களுக்குரிய பாக்கு வைப்பதற்கான விண்ணப்பப் படிவங்களையும் இந்த பக்கத்தில் தருகின்றோம். கூடிய விரைவில் எல்லாக் கோவில்களிலும் ஒரே மாதிரியான விண்ணப்ப படிவத்தை உபயோகிக்கும் வழக்கத்தை ஏற்படுத்துவோம். உங்கள் கருத்துக்கள் வரவேற்கப்படுகின்றன.